1. Mualliflik mezonlari
Mualliflik ilmiy ishga real va mazmunli hissa qo‘shgan shaxslarga berilishi kerak. Muallif tadqiqot konsepsiyasi yoki dizayni, ma’lumot yig‘ish/tahlil qilish/talqin etish, metodologiya, dasturiy ta’minot, vizualizatsiya yoki maqolaning muhim ilmiy mazmunini yaratish/tanqidiy qayta ko‘rib chiqishga sezilarli hissa qo‘shgan bo‘lishi, yakuniy variantni tasdiqlashi va o‘z hissasi uchun javobgarlikni qabul qilishi lozim.
2. Mualliflik uchun yetarli bo‘lmagan holatlar
Faqat moliyalashtirish, umumiy ma’muriy yordam, texnik xizmat, matn terish, oddiy til tahriri yoki umumiy rahbarlikning o‘zi mualliflik uchun yetarli emas. Bunday hissa zarur bo‘lsa Acknowledgements bo‘limida ko‘rsatilishi mumkin.
3. Nomaqbul mualliflik
- Gift/Honorary authorship — real ilmiy hissasi bo‘lmagan shaxsni muallif qilish;
- Guest authorship — nufuz uchun taniqli shaxsni hissasisiz kiritish;
- Ghost authorship — muhim hissa qo‘shgan shaxsni yashirish.
4. Corresponding Author
Kamida bitta Corresponding Author belgilanadi. U jurnal bilan rasmiy yozishmalar, mualliflar ro‘yxatining kelishilganligi, deklaratsiyalar va aloqa ma’lumotlarining to‘g‘riligiga javob beradi.
5. Author Contributions va CRediT
Ko‘p muallifli maqolalarda individual hissalarni shaffof ko‘rsatish uchun Author Contributions bayonoti berilishi kerak. Zarur hollarda CRediT Contributor Role Taxonomydan foydalanish tavsiya etiladi.
6. Mualliflar tarkibini o‘zgartirish
Topshirishdan keyin muallif qo‘shish, olib tashlash yoki tartibni o‘zgartirish zarur bo‘lsa, sabab yozma ravishda tushuntiriladi va tegishli mualliflarning roziligi so‘raladi. Nashrdan keyingi o‘zgarishlar zarur bo‘lsa, ilmiy yozuvning shaffofligini saqlash uchun alohida correction e’lon qilinishi mumkin.
7. Generativ AI
AI tizimi mualliflik javobgarligini qabul qila olmagani sababli muallif yoki hammuallif sifatida ko‘rsatilmaydi. Batafsil: Generativ AI siyosati.
8. Mualliflik nizolari
Tahririyat mualliflar o‘rtasidagi institutsional yoki shaxsiy nizoni hal qiluvchi organ emas. Zarur holatlarda mualliflardan yozma kelishuv yoki tegishli tashkilotdan aniqlik kiritish so‘ralishi mumkin.